6ê kanûne de Kampa Bextwaştoxan ya Şehîd Rustem Cudî ya Mexmurî raştê hêrişêko bombeyîn ameye. Hêriş vera Hêzê Pawitişê Cewherî yê Mexmurî de ame kerdiş û netîce de şehîd û birîndarî bîyî.
Babete ser o Meclîsê Şarê yê Mexmurî îzehetêk da. Meclîsî dîyar kerd ke netîceyê hêrişî de şehîd û birîndarî estî û wina va: “Hêzê Pawitişê Cewherî yê Mexmurî 2014 ra nata vera hêrişê çeteyanê DAIŞî de sîvîlan pawenî. Yewîyê pawitişî ke ameybî awankerdiş û heta nika bi hawayo aktîf sîvîlan pawitî.”
Meclîsî dewamê îzehetê xo de wina va: “No hêrişo ke nîno zanayîş ke hetê kamî ra ameyo kerdiş ra Hukmatê Merkezî yê Iraqî û hêzê ke warê hewayî yê Iraqî berpirsîyar î. Nê hêrişî ver ganî Hukmatê Merkezî yê Iraqî bi hawayo lez îzehetêk bido.”
Ma do nika ra pey zî cewab bidî
Babete ser o Kongreya Komelê Demokratîkî (KCD) îzehetêko nuştekî daye. KCDyî îzehetê xo de vato ‘ma nê hêrişî şermizar kenî’ û wina dewam kerd: “No hêriş karê dewletê ke DAIŞî miqate kerdî yo. Ma yê ke wazenî seba birîndaran gonîye bidî asteng kenî zî şermizar kenî. Wa selahîyetdarê ke vernîya gonîdayîşî de benî asteng rê tehqîqat bêro akerdiş. Heta nika senî ke ma vera heme hêrişan de bi xoverdayîş vindetî, ma do nika ra pey zî cewab bidî.”
NAVENDÊ XEBERAN