Merhaleyê peyên yê Hemleya Firtineyê Cizîrî ke seba bi temamî azadkerdişê rojhelatê Çemê Firatî amebi dest pêkerdene, dewam keno. Seke yeno zanayene, tena herêma Hecînî destê çeteyan de mendbî û şerwananê Hêzê Sûrîyeya Demokratîke (HSD) na çarçewa de merhaleyo peyên da dest pêkerdene.
Şerwanan heta nika dewa Baxozo Corên ke 20 kîlometre nizdîyê Hecînî ya, destê çeteyan ra girewt. Şerwanê ke beşdarê operasyonê azadkerdişî bîyî ra Alan Hesekêyî va ‘ma seba ewleyîya şarê sivîlî zaf dîqet kenî’ û wina dewam kerd: “Çeteyî seba ke averşîyayîşê şerwanan bivindarnî, mayînan ca kenî. Labelê ma her tewir averşîyayîşê xo domnenî.”
Şerwanan ra Ehmed El-Elîyî zî va ‘dewa Baxozo Corên ra dima ma do Hecînî zî azade bikerî’ û wina domna: “Çeteyî bi wesayîtanê bombebarkerdeyan û mayînan hewl danî asteng bikerî, labelê hêzê HSDyî do çeteyan biqedênî û warê azade yê cuyayîşî awan bikerî.”
ANHA / DERAZOR