EMAR EL-XELEF / DÎYAR EHMO / ANHA / DÊRAZOR
Şerwananê Hêzê Sûrîyeya Demokratîke (HSD) çend rojî verê seba ke beldeya Hecînî çeteyan ra pak bikerî, merhaleyo peyên yê Hemleya Firtineyê Cizîrî dabi dest pêkerdene û çarçewaya hemle de pirdêko stratejîk kewtbi destê şerwanan.
Babete ser o Fermandarê Alayê 2. yê Meclîsê Leşkerî yê Dêrazorî Umer Erebî qisey kerd. Erebî va ‘hêzê ma rojhelatê Hecînî de averşîyayîşê xo domnenî’ û wina dewam kerd: “Ma Pirdê Suse pak kerd. Moralê çeteyan xira bîyo, labelê moralê yewîyanê ma baş o û ma heme çîyî rê amade yî.”
Erebî va ‘çeteyê DAIŞî şerwananê ma ra derban wenî û bi wesayîtanê bombebarkerdeyan hewl danî şerwananê ma bivindarnî’ û wina domna: “Ma do rojhelatê Hecînî ra bikewî zere û nika ma dewa El Şefa de yî. Reyna çeteyî seba ke şerwanan bivindarnî, cinîyan sey qalxanî bikar anî.”
Fermandar Umer Erebî veng da sîvîlan ke wa şêrî Kampa Îwa ke vakurê belde ya.