Badê polîtîka û rewşa OHALî xeylê zozanan de qedexeyî ame îlankerdiş û qedexe serrêka ke domena. Kesê ke mezraya Nordizî ya qezaya Payîzavaya Wanî de cuyenî, debara keyeyê xo bi heywanan kenî. Dewijî verê cû şîyênê zozanê Feraşîn, Colemêrg û Şirnexî. Nika dewa Nordîzî de bi ca bîyî.
Dewijan ra cinîya bi nameyê Şehrîban Aslane dîyar kerde ke serranê 90î de dewa înan ameya veşnayîş û wina va: “Dewlet cerdewanî bi ma dayêne ferzkerdiş. Cok ra ma koçê Wanî kerd. Wexto ke hamnan beno, ma seba çerênayîşê heywanan yenê Nordîz. Dewlete verê dew û keyeyê ma vêşna, nika zî zozanan qedexe kena. Ma polîtîkayê dewlete ver nêeşkenî debara xo bikerî.”
Zîynet Acare zî wina va: “Cerdewanan keyeyê ma veşna. Dewe de tena rayîrêk estbî û ma nêweşê xo ewja ra bêrdêne nêweşxane. Vizêr senî ke ma xover da, ma do ewro zî têkoşînê herra xo bidî.”
DÎLAN BABAT / ŞÛJIN / WAN