Hetêk ra ser çapemenîya azade de zext û tedayî kêmî nêbenî, heto bîn ra zî rojnamegerê cinîyî ke raştê neheqîyan yenî û bi tepiştiş, tewqîbîyayîş, doze û sewbîna rî bi rî mendî, 3ê Gulane Roja Rojnamegerîya Dinya de Platformê Rojnamegerê Cinî yê Mezopotamya awan kerdî.Babete ser o rojnamegerê cinîyî qisey kerdî.
Xebatkara Ozgur Gun TV û pêşkêşkara programî Durket Surene va ‘ez 2 serrî yo ke çapemenîya kurd de xebetîyena’ û wina va: “Bi KHK televîzyonê ma ame padayîş û ma betal mendî. Îqtîdarî va qey eke rojnamegerî betal bimanî, do teslîm bibî. Labelê wina nêbî; çimkî rojnamegerê kurdî dewamê keda bi hezaran serran î. Hukmat waşt çapemenîya ke raştîyan vana ra heyf bigîro. Labelê rojnamegerê cinîyî Platformê Rojnamegerê Cinî yê Mezopotamya awan kerdî. Çapemenîya kurd û muxalîf heme kerdişanê îqtîdarî veng vetî.”
Suna Turana ke Azadî TV de xebetîyayêne zî vist vîrî ke ‘badê ke televîzyon ame padayîş, hetê dîyayîşê karî de ay zaf zehmetîyî antî’ va: “Ma do destûr nêdî, yê ke televîzyonê ma padayî, ma zî biqedênî.”
DÎHABER/AMED