Azadkerdişê merkezê Şengalî ser o 2 serrî derbaz bîyî. Şarê êzidî o wext ra nata pawitişê xo bi xo keno û seba statuyê xo kedêka girde dano.
Fermandaranê HPGyî ra Serkeft Çalakî derheqê serrgêra 2. ya azadkerdişê merkezê Şengalî û xoverdayîşê 11 aşman kerd. Çalakî va ‘ma bi waştişê Rayberê Şarê Kurd Abdullah Ocalanî 8ê tebaxa 2014î de ameyî Şengal’ û dîyar kerd ke badê YPGyî Dîgorê de korîdor akerd, HPG koyan de bica bî û herkesî xelisna.
Çalakî qiseykerdişê xo wina domna: “Ewja de trajedîyê girdî ameyî cuyayîş. Merdimî bi vêşanî û têşanîye ver merdî. Ma qasê 11 aşman merkez de çeteyan reyde şer kerd. Şerêko giran bî. Ma ziqaq bi ziqaq şer kerdêne. Hêzê PDKyî hetkarîya ma nêkerdênê. Ma ewja de bedelê girdî dayî û netîce de xoverdayîşêko tarîxî vejîya orte. Ma ti cayo ke girewt, tepîya nêda. Ma resaybî merhaleyo peyên, pêşmergeyî ameyî, sey ke înan Şengal xelisnayo, waştî wina nîşan bidî. Eke ma nêbîyêne, ê nêşînayêne bikewî Şengal. Mesud Barzanî îzehetê xo de sey ke tena PDKyî Şengal xelisnayo, nîşan dayêne. Helbuk tam eksê ci bî.”
Vera heme dagîrkeran de
Çalakî dewamê qiseykerdişê xo de va ‘nika zî xo antişê pêşmergeyan ra dima hêzê Heşdî Şabî kewtî Şengal û wina domna: “Hêzê Heşdî Şabî kontrolê Îranî de yî. Wazenî tîya de nakokîyan hîna zêde bikerî. Hedefê înan dagîrkerdiş o. Çîyê ke Kerkûk de bîyî nîşaneyê ci yî. Ganî şarê ma nê kayan bivîno û hişyar bibo. Çimkê derdê înan azadkerdişê êzidîyan nîyo.”
ANF/ŞENGAL