NEJBÎR OSMAN / KAMÎRAN XOCE ANHA / MINBIC Fermandarê Pêroyî yê Meclîsê Leşkerî yê Minbicî Ebû Adilî derheqê çîyê ke herême de yenî cuyayîş û îzehetê ortaxî yê Amerîka û Tirkîya ser o qisey kerd, melumatê muhîmî pare kerdî. Fermandar Adilî qiseykerdişê xo de bale ant kombîyayîşo ke 2 serrî ver hemleya azadkerdişê Minbicî ra ver Încîrlîkê Tirkîya de bi beşdarbîyayîşê Amerîka, Tirkîya û şehîd Ebû Emcedî de pê ame ser û wina va: “Dewleta tirkî ewja de dîye ke bajarê Minbicî hetê şarê Minbicî ra yeno îdarekerdiş. Tirkîya qerarê ke Încîrlîk de ameybî girewtiş, îxlal kerde û wazena Minbic dagîr bikero. Xora dewleta tirkî verê cû Cerablus, Bab û Efrîn dagîr kerdî û dagîrkerîya xo nîşan daye.” Adilî va ‘badê ke şerwananê HSD û YPGyî Minbic çeteyanê DAIŞî ra rizgar kerd, xo tepîya antî’ û wina qedêna: “Tena şêwirmendê leşkerî yê YPGyî seba perwerdekerdişê şerwanan mendî. Dima ra ê zî vejîyayîş. Nika leşkerê ma hetê Koalîsyonê Mîyanneteweyî ra yenî perwerdekerdiş. Minbic bi saya YPG û HSDyî de rizgar bî. Ez HSD û YPG rê sipas kena. Ma do heta peynî bajarê xo bipawî.”