Di Kobanê de nê 56 rojake têkoşîn domyeno. Şerwanê YPG/YPJî verba çeteyê DAIŞî têkoşînake bê mîyanê danî. Di çeperê de şerwanê YPG/YPJî vatê ke înan do çeteyê DAIŞî vila bikerî. Xoverodayişê Kobanê ra pêroyina Kurdistan û şaristanê Tirkîyaye ra bi hezaran ciwanê beşdar benî. Çeteyê DAIŞî verba têkoşîna hêzê Kobanê gam erzenî û bi leyminî ser hêzê kobanê wesayîtê bi bombeyî eşrewenî. Tewr gird şer di çeperê rojhîlatê Kobanê de yena cuyayiş la verba çeteyan şerwanê YPGî bi coş û heycanî têkoşîn danî. Şerwanê YPGî Denîz vat ke nika di verba ê de mewzîyê çeteyê DAIŞî est o, ray beno zaf nêzdî benî, qetilkarî înan est ê û wina vat: “Nê qetilkaran embazê ma ra hêriş kenî. Şerwanî ma zî est o û ê ma zî verba înan têkoşîn danî. Nika di Kobanê qirkerdişekê gird est o û ganî dinya no qirkerdişî bivîno. Verba nê çeteyan ma bi hetkarî şarî têkoşîn danî. Na rewş şorişeke gird o. Embazê bila semed şehîd nêkewtî. Armancê înan yew bi.”
MA DAIŞÎ PEYNÎ BIKERÎ
Hewna şerwanî YPGî Kurtay zî aşkera kerd ke ey di rîyê xo ra birîndarê girewtî la hewna têkoşîn xo domneno û wina dewam kerd: “Ma şarê xo ra soz dayî, no ser do ma hetanî peynî têkoşîn xo bidomnî. Ma hetanê DAIŞî Kobanê ra nêerzî ma fek têkoşîn xo ra veranêdî. Belkî di noca de ma pirsgirêkê muhîm cuyenî la muhîm nîyo ma hetanê peynî têkoşîn xo bidomnê. Taybetî çend rojî de nê çeteyan ra darbeyekê gird day piro. Di zaf hûmarîy de fermandarê înan ma kiştî. No ser zî êdî nêeşkenî hêriş bikerî.” Şerwanê YPGî Sînan zî destnîşan kerd ke nika di Kobanê de şer bi xoverodayişî aver yena berdiş, êdî hêzê çeteyê DAIŞî nêmendo û wina peynî kerd: “Hêrişê çeteyan şikya, êdî nêeşkenî hêriş bikerî. Taybetê ma di mîyanê çar rojê de serfirazîya ke gird dest vistî. Tena cayê xo de vindertî û nêeşkenî çik bikerî. Ma hetanê ganê xo zî bidê ma qet fek têkoşîn xo ra veranêdonî. Dema ke embazê şehîd kewenî, di no demî ma hîna gird hêriş kenî. Hetanê ma di noca de bibî Kobanê nêkeweno. Ganî no xoverodayişê ra heme parçeyê Kurdistane beşdar bibî.”
KOBANÊ