Ma do hetkarî bidî heme kesê ke bêkeye yî

Endamê Meclîsê taxa Miftî yê bajarê Hesekê, Mihemed Nezîr û cinîya ci Mihdîye Elîye rê keye herînayî. Mihemed Nezîr û Mihdîye Elîye dewa Hesekê de cuyayêne. Keye serra 2012 de dewe ra koçê taxa Miftî ya Hesekê bîyî. Vera varayîşê varanî yê zêde serkeyê keyeyî ame war û Mihemed Nezîr û Mihdîye Elîye bêkeye mendî. Keye seba hetkarîye mecburî muracatê Komunê taxa Miftî kerd. Komunê taxe zî waştişê keyeyî resna Meclîsê Taxe. Meclîs zî bi îmkananê xo keyeyêk Mihemed Nezîr û Mihdîye Elîye rê herîna. Endamê Meclîs û Komunî pîya keye pak kerdî û ca dayî eşyayan.

Babet ser o Mihdîye Elîye û Hemserekê Meclîsê Taxa Miftî Remedan Mihemedî qisey kerdî.

Ma do bidî hemînan

Mihemed Mihdîye Elîye sipasîya xo arde ziwan û wina va: “Na hetkarî yena manaya piştîdayîşêyewbînanî ya şarê taxa Miftî.”

Hemserekê Meclîsê Taxa Miftî Remedan Mihemedî zî qisey kerd û wina va: “Ma bingeyê Komunî ard ca û cok ra zî zaf bi kêfweş î. Bingeyê cuye hemparî yo. Ma bi hetkarîyê heme endamanê Meclîsî, Mihemed û cinîyê ci Mihdîye rê keyeyêk herîna. Ma do hetkarî bidî heme kesê ke bêkeye yî.” 

ALVA OSÎ / SILAVA ÎBRAHÎM / ANHA/HESEKÊ