Dewleta Tirkî û çeteyê ke girêdayeyê ci yî, hêrişê Rojhelat û Vakurê Sûrîye kenî û hewl danî ke her di herêman dagîr bikerî. Vera hêrişê dagîrkerîye yê dewleta Tirkî û çeteyanê ci de xoverdayîşê şarê Vakur û Rojhelatê Sûrîye dewam keno.
Çalakîya tirsê ganî ke Serêkanî de dîyaybî destpêkerdene, roja 8. de dewam kena. Heta nika xeylê hetanê komelî beşdarê çalakîyan bîyî û destek da çalakgêran. Keyeyê şehîdan zî beşdarê çalakîye bîyî û vera dagîrkerîye de qala xoverdayîşî kerdî. Keyeyan bi fotograf û beyraqanê Meclîsê Keyeyanê Şehîdan beşdarê çalakîye bîyî û tim û tim siloganî eştî. Dayîka şehîdî Xezal Silêma çalakîye de qisey kerde û wina va: “Ma do vera tehdîdanê dagîrkerîya dewleta Tirkî de seba azadîya Kurdîstanî xover bidî. Ma do rayîrê domananê xo yê şehîdan de şêrî û rêça înan taqîb bikerî.” Çalakîye de hunermend Baran Hozan û grûba muzîkî Kîkan vejîyayî sehne. Çalakgêran bi deyîranê şorişî govende girewte.
ANHA/HESEKÊ