CIVÎN HUSÊN / JINNEWS/QAMIŞLO
Bi destpêkerdişê Şorişê Rojawanê Kurdistanî Vakurê Sûrîye de her hetê cuye de serkewtişê xeylê girdî ameyî / yenî qezençkerdiş. Bitaybetî Hemleya Rizgarkerdişê Reqqa ver bi peynî şona, reyna Hemleya Firtineyê Cizîrî zî rayberîya YPJyî de bi hawayo serkewte dewam kena.
Babete ser o Fermandare Evîndar Denîze qisey kerde. Fermandare Denîze va ‘averşîyayîşê ke ewro Rojhelato Mîyanên de virazîyenî, serkewtişê YPJ/YPG û yê HSD yî’ û wina dewam kerde: “Xeylê hemleyê serkewteyî qedîyayî. Rizgarkerdişê Reqqa zî goreyê gamê şarê herême virazîya. HSDyî demêko kilm de Reqqa girewt bin kontrolî. Êdî hemleya Reqqa ver bi peynî şona û nêyî ver şarê herême kêfweş o.”
Warêko gird ameyo pakkerdiş
Denîze bale ante ser Hemleya Firtineyê Cizîrî û wina va: “Vengdayîşê şarê Dêrazorî ra dima nê 16 rojî yo ke na hemle dewam kena û heta nika warêko gird destê çeteyan ra ameyo pakkerdiş. Hêrişê ke Rûsya vera HSDyî de raşt nîyî. Eke Rûsya wazena vera DAIŞî şer bikera, ganî piştî bida HSD. Labelê no 2 rey o ke Rûsya bi teyarayê şerî hêrişê meterîsanê ma kena.”
Denîze peynîya qiseykerdişê xo de wina va: “Kamcîn şaro ke têkoşînê azadîya xo bido, ma do şêrî hetkarîya înan. Ez veng dana herkesî ke wa bi kayanê Rûsya ra bawer nêkerî û piştî bidî HSDyî.”