Hêrişê artêşa Tirkî û çeteyanê ci bêmabên dewam kenî. Pêrodayîşî bitaybetî Girê Spî û Serêkanîyê de zêde bîyî. Artêşa Tirkî bi teyarayan bombe kena, çeteyê OSO û sewbîna zî bejahî ra hewl danî her di bajaran bigîrî binê kontrolê xo. Hêzê QSDyî xoverdayîşêko tarîxî nîşan danî.
Ayşe Efenî ke sey ‘Yadêya Kobanê’ yena zanayene ajansê Mezopotamya ra Nazim Daştanî rê qisey kerde û dîyar kerde ke ê Kobanê de serkewtî û nika zî do serbikewî. Efendî daye zanayene ke 4 serrî verê çeteyanê DAÎŞî û destekdaranê înan hêriş kerdbî û wina domna: “Ma dinya terorêk ra xelisna û no oxir de bi hezaran doman û kênayê ma şehîd kewtî. Kesê ke wijdan û ehlaqê înan esto, ganî biwerzî payan ser.”
Efendî va ‘wayîrê Rojawanî bivejîyê’ û wina dewam kerd: “12 hezar şehîdê ma estî. Ma ewro reyna payan ser o yî. Ganî ti kes vera hêrişan de bêveng nêmano. Ma şerî ra hes nêkenî. Labelê wa herkes bizano ke ma eşkenî heqê Turancîyan bidî. Ma senî ke Kobanê de serkewtî, ma do reyna serbikewî. Wa herkes bizano, Amerîka goreyê menfîetanê xo qerar girewt. Ma heta nika piştîya xo ti kesî ra girênêdaye. Ma ewro yê ke vatêne ‘ma do Kurdan tena nêverdî’ vînenî. Heme bîyî hemparê şerî. Gonîya Kurdan ercan nîya. Tena manayêka aye gonîye esta, aye zî azadî ya. Ma do nîşanê herkesî bidî.”
GIRÊ SPÎ