Cinîyê dêrsimijî ke her serre Festîvala Kultur û Tebîetî yê Muzirî de bi viraştişê nanê patîle debara xo kerdêne, emser qedexe bîyayîşê festîvale ser o reaksîyonin î. Cinîyan dîyar kerd ke ê qedexeyî ver nêşênî çîyêk biroşî û vatî ‘fek zîhnîyetê qedexekarî ra vera bide’. Cinîyan ra Fatma Akyuze va ‘ma seba festîvale zaf amadekarîye kerdbî’ û wina domnaye: “Yê ke festîvale qedexe kenî, benî sebebê nanê ma. Yê ke keda şarî reyde kay kenî, gelo Homayî ra nêtersenî. No senî yew zîhnîyet o?” Saîme Aydine zî wina va: “Herçiqas ke festîvale ame qedexe kerdene, labelê reyna zî ame viraştene’ û wina dewam kerde: “Ma bi kede, bawerî û kulturê xo estî û ma do estena xo bidomnî zî. Cinîyê dêrsimijî qedexeyan nêşinasnenî. Festîvale ra dima kampê ma yê hamnanî zî do bidomyî. Ma zî do viraştişê nanê patîle bidomnî.” Ê nêşênî asteng bikerî Bîrgul Akdogane zî veng da herkesî ke wa wayîrê erjanê xo bivejyî û wina va: “Armancê festîvala ma o yo ke ma wayîrê tebîet û kulturê xo bivejyî. Ma do wayîrê festîvala xo bivejyî. Ganî fam bikerî ê bi qedexekerdişî nêşênî festîvale asteng bikerî. Cinîyê dêrsimijî fek festîvale ra veranêdayî.”  JINNEWS/DÊRSIM