AZAD SEFO/EMAR XELEF ANHA/DÊRA ZOR Hêzê Sûrîyeya Demokratîke (HSD) ke xeylê hetan mîyanê xo de hewênena 1ê Gulane de Hemleya Firtineyê Cizîrî reyna dabî destpêkerdiş û hemle 14 rojî yo ke dewam keno. Ame musayîş ke çarçewaya hemle de warêko hîra ameyo azadkerdiş. Babete ser o Fermandarê Meclîsê Leşkerî yê Dêra Zorî Îsmaîl Ebdullahî qisey kerd û derheqê hemleye de melumatê muhîmî pare kerdî. Îsmaîlî va ‘merhaleya peyêne ya Hemleya Firtineyê Cizîrî bi hêzê Koalîsyon û Îraqî reyde pîya yena domnayîş’ û wina domna: “Ma do dewê ke rojhelatê Çemê Feradî de yî û sînorê Îraq û Sûrîye destê DAIŞî ra azade bikerî. Ma 1ê Gulane de dest bi hemleye kerd û heta ewro qasê 21 kîlometre warêk azade kerdo.” Îsmaîlî dewamê qiseykerdişê xo de wina va: “Şerwananê Hêzê Sûrîyeya Demokratîke rojhelatê Çemê Feradî de dewa Baxozî de çeteyan girewtî abluqa. Dewa Baxozî wayîrê muhîmîya stratejîk a û qezaya Hecînî de çatrayîrî ser o. Ma sînoranê her di welatî çeteyanê DAIŞî ra pawenî. Ma do heta ke rojhelatê Çemê Feradî û sînorê Sûrîye û Îraqî çeteyanê DAIŞî ra azade kenî hemleya ma do dewam bikero.”