Cerdewanî:
Nika di Tirkîyayê de ravêreyeya çareserîyê yena şuxulnayiş, no ser zî na pergal bi ameynê wedarnayiş la belê hukûmat seba nêwedarnayişê na pergala binê nameyê ewlehîya bendawî, girewtişê cerdewanan domnena. Dijî nê polîtîkayê AKPî cerdewanan Abdulkerîm Dayan, Huseyîn Toprak, Hîlmî Tîmurtaş û Ahmet Toprak peynîya 22 serrî fek cerdewanî ra veradayî.
Biryarê xo ser Abdulkerîm Dayan vat ke nika di Tirkîyayê de ravêreyeya çareserîyê est o, no ser zî êdî cerdewanî ra ganîyî nêmendo, çi heyfo ke bi na pergalê kurd, kurdî kişeno, cerdewanê kamî, kamî ra pawiyenî? Êdî cerdewanê no persê xo ra persî û ganî cerdewanî no kar ra fek vera bidî.
Kareke bi lenet o
Hewna Huseyîn Toprak zî aşkera kerd ke ganî heme ciwanê kurd, na ravêreyeya aştî ra wayîr bivejîyê, êdî nê gerîla nê zî lejkerî cuyayişê xo bidê û eke cerdewanî fek çekî ra vera nêdî do pêkewtişê bidomyî.
Hîlmî Tîmurtaş zî vat ke seba ke ey cerdewanî ra fek veradayo, no ser zî sareyê ci êdî raşt o, serra 90’an ra nika bi destûrî dewlete nêeşkîyayî dewê xo ra bivejî, ganî heme cerdewanî çekê xo vera bidî û dewê xo ra biagêrî.
Ameyox di HDPê de yo
Tewr peynî Ahmet Toprak zî ciresna ke ganî cerdewanî fek birayê xo kiştiş ra vera bidî, cerdawantî nijadperestî û cidayîyî aver beno, eke HDP bendê weçînayişî nêvîyaro do hewna pêkewtişî dest pê bikerî û seba ameyoxê heme şaran ganî HDP di Meclîsî de cayê xo bigêro.
ENGÎN EREN / DÎHA/SÊRT