Bi nizdîbîyayîşê referandûmî her ke şono hetê ke bin cepheyê ‘nê’yî de fikrê xo aşkere kenî zî zêde benî. Heta nika çepgir, sosyalîst, dîn û nîjadê cîya û sewbîna zaf hetî fikrê xo aşkere kerdî vatî nê.
Cinîyê Dêrsimî derheqê referandûmî de qisey kerdî û fikrê xo ardî ziwan. Cinîyan ra Pakîze Aydine va ‘Dêrsim do sey her wextî vajo nê’ û hina dewam kerd: “Seba ameyoxêka başe, ma do vajî nê. Wazenî tebîetê ma çin bikerî, cok ra ma do qirbîyayîşê tebîetî ra vajî nê.”Nermîne Aydine zî qisey kerde û hina va: “Cinîyî do bi hawayêko xurt vajî nê. Bi viraştişê barajî wazenî cuya heywan û nebatan çin bikerî. Ma seba ke tebîetê ma çinkerdişî rê nêro akerdiş, ma do vajî nê.”
Endama Meclîsê Şaredarîya Dêrsimî Derman Taranciye va ‘Cinîyê Dêrsimî do dîktatorîya yew kesî rê vajî nê’ û wina dewam kerde: “Bi HESan hewl danî ke goristan, zîyar û dîyaranê ma çin bikerî. Ma viraştişê barajî rê vanî nê.”
DERSIM