Cinîya bi nameyê Hasîne Çetînkaya 71 serreyî arde ziwan ke no zulm Îsraîlî ro Fîlîstînî rê nêkerdo û va: "Ez nêwazena Sûrî terk bikera. Şarê kurd zulmê dewlete ra xelas nêbeno. Bi serran o domanê ma, xozaya ma, daristanê ma yenî qetilkerdiş. Ma reyna zî tîya ra nêvejîyayî. Tîya herra ma ya. Kes nêeşkeno ma tîya ra vejo."
Çetînkayaye dewamê qiseykerdişê xo de wina va: "Bi aşman o ma bê ceyran û awe cuyenî. Domanê ma nêeşkenê kuçeyan de kay bikerê. Sûr sey verê nîyo. Verê ma cinî û domanî her wext kuçeyan de bîy. Ma verê beran de niştêne ro. Nika ma nêeşkenê keyeyê xo de ronîşî. Her roje yenê vanê tîya ra bivejîyênê. La şima kamî keyeyê kamî ra vejenê? Ma şêrê kura. La ma keyeyê xo ra nêvejîyenî."
Dewlete yê dewlemendan a
Cinîya bi nameyê Aytene zî daye zanayîş ke keyeyê aye zî mîyanê keyeyê ke do bêrê rijnayîş de yo û wina domnaye: "Alîpaşa ra dima do dore bêra Lalebeyî. Cok ra ez semedê piştdayîşê cîrananê xo ameya. Ewro çîyê ke bêro sereyê cîranê mi ser do siba zî bîyaro sereyê mi. Dewlete her wext rîyê xo nîşanê ma daya. Dewlete dewleta feqîran nîya, yê dewlemendan a."
BÊRÎTAN CANOZER/AMED