Bade ke kanalê televîzyonî yê muxalîfî ameyî padayîş, se ra 96ê kanalan binê tesîrê hukmatî de yî. Nê kanalî weşanê xo goreyê waştişê hukmatî kenî. Tevgerê Hezîrane yê Yewbîyayeyî vera xeberê şaş û polîtîkaya weşanî yê medyay hetgire de îzehetêk da. Tevgerê Hezîrane yê Yewbîyayeyî îzehetê xo de vato ‘Medyaya hetgire makîneya zuran a’ û seba protestokerdişê na medya veng da. Tevgerê Hezîrane yê Yewbîyayeyî îzehetê xo de kanalê ke wextê OHALî de ameyî padayîş kerdî û wina vato: “Bi pereyê şarî zuran kenî. Gere ti kes nê kanalan temaşe nêkero. O wext ma do roja îne bi nameyê #Owextmapadenî. Ewro Tirkîya bi destê AKP û MHP ver bi weçînayîşêkî şona û hewl dîyeno Tirkîya de yew vengî bikerî hakim. Televîzyonî heme propogandaya yew kesî kenî. Senî ke referandum de vengê hetê ke vatî ‘nê’ ame birnayîş, ewro zî vengê hetê ke vanî ‘Tamam’ yeno birnayîş. O wext temam. Ma ferqê hêzê xo de yî. Ma do hêzê xo nîşanê patronanê nê televîzyonan bidî. Ma şanê îne saete 20.00 de televîzyonan padenî. Madem şima tercîhê bi mîlyonan kesan çinî hesibna, #Owextmapadenî.” PîRHA/STENBOL