Dayîkê Aştîye yê Êlihî derheqê netîceyê weçînayîşê 24ê Hezîrane de qisey kerdî û vînayîşê xo ardî ziwan. Dayîkan dîyar kerd herçiqas ke hîle û zextî ameyî kerdiş, labelê reyna zî Partîya Demokratîke ya Şaran (HDP) bendê weçînayîşî derbaz kerd.
Dayîkan ra Muhlîse Kinaye va ‘HDPyî saya bi keda mîlyonan bendê derbaz kerd’ û wina domnaye: “Weçînayîş qedîya, labelê vindetiş çin o. Ewro roja roniştişî nîya. Ma do têkoşînê xo bidomnî. Ma wazenî wa no problem masa ser o bêro çareser kerdene. Wa êdî hesirê dayîkan war nêbî.”
Nuran Seçkîn
Dayîkan ra Nuran Seçkîne dîyar kerde ke nika ra pê ê do hîna zaf têkoşîn bidî û wina dewam kerde: “Ez veng dana keyeyanê leşker û polîsan; ewro vera Qendîlî de operasyon virazenî. Çira ê domanî ê koyan de mirenî? Vizêr mergê domanan ser ro rayî kom kerdî. Çira hesrê dayîkan înan rê benî rayî?”
Elîf Tuluktîmure zî wina va: “Mi raya xo nêdaye yê ke şer pîl kenî, mi raya xo daye HDP û Demîrtaş ke hewl danî vengê aştîye berz bikerî. Ma dayîkî hertim raya xo dayo aştîye û ma do wina zî bikerî. Tena armancêkê ma esto; o zî aştîye yo. Nika wextê têkoşînî yo, ma nêronîşenî, şima zî meroşê.” n MA/ÊLIH