Platformê Nê yê Ewropa derheqê netîceyê referandûmî de îzehetêko nuştekî weşêna. Platformî îzehetê xo de vato ‘ma îzeh kenî ke no îqtîdaro faşîst wazeno bi dizdî netîceyêk bigiro’ û îzehet wina dewam kerdo: “Hema netîce dîyar nêbîbî îqtîdar vejîya qiseykerdişê balkonî kerd û bi no hawa heme dezgehan girewto bin teda. Tewr peynî Heyetê Weçînayîşî yê Berzî (YSK) vejîya, dizdî û neheqîyan sey ke weçînayîşanê bînan de zî bîyî şinase kerd û netîceyî qebul kerd.”
Dewamê îzehetê Platformî de wina ameyo vatiş: “Îqtîdaro ke se ra 60 reyî pawitêne, her çiqas ke hende hîle û neheqîyî zî ameyî kerdiş, ancax şêna se ra 51 reyan bigiro. Heme bajaranê girdan de nê qezenç kerdo. Tayîp Erdogano faşîst meşrûîyetê xo vînî kerdo. Muxalefet zî cesareto ke bişînbo ruhê Gezî reyna ganî bikero, qezenç kerdo. Kurdistan, Anatolîyaya Rojawanî û Marmara de hema vaje heme bajaran de se ra 60 nê vejîya.”
Platformî peynîya îzehetî de vato ‘Referandûm şert û mercanê OHALî de ameyo viraştiş û heme îmkanê dewlete ameyî seferberkerdiş’ û îzehet wina qedîyayo: “Prosesê propogandaya referandûmî de heme muxalefet bin tedayêka girde de bî. Netîce de NÊ qezenç kerdo. Ma veng danî rayapêroyî û rêxistinananê sîvîlan ke wa netîceyê referandûmî nas nêkerî û muhakeme bikerî. Yê ke qezenç kerdo hêzê demokrasî yo, blokê faşîzmî vinî kerdo.”
ANF/ BRUKSEL