Sazîyê Malbatanê Hepsî yê Efrînî, hepisxaneyê Tirkîya de telukeyê vilabîyayişê Vîrûsê Koronayî ser o Kampê Serdemî de aşkereyêk da.
Aşkera de wina ame vatiş: “Çi heyfo ke nê rojan de zî hêrişê dewleta Tirk vera Rojawanî domyenê û tecrîd hema zî Rayber Ocalan ser o esto. Hepisxaneyan de telukeyê vilabîyayişê vîrûsî aver şono. No ser ma veng danê heme sazîyê demokratîke, wa hepisxaneyan nêbî keyeyê mergî. Her kes wa wezîfeya xo bîyaro ca. Ganî rêxistinê heqê merdiman dewleta Tirk ra teda bikê, ma qebul nêkenê cuya domanê ma binê teluke de bimana.” ŞEHBA