Hebîbî qiseykerdişê xo de va ‘averşîyayîşê sîyasî û leşkerî bîye sebebê vengdayîşê ma’ û qiseykerdişê xo wina domna: “Bitaybetî hêrişê dewleta Tirkîya herême ver bi tarîyîye benî. Tirkîya bin nameyê ‘hetkarîya muxalîfan’ de plananê xo yê dagirkerdişî erzena dewre. Nê semedî ra ma vengdayîşêko winasî kerd. Ma waşt ke muxalîfê welatperwerî yê ke bin banê MSDyî de ca gênî rê na tabloya krîtîk nîşan biderî.”
Beşdarê MSD bîyî
Hebîbî dewamê qiseykerdişê xo de bale ant xebatê dîplomatîkî yê zereyê Sûrîye û qiseykerdişê xo wina qedêna: “MSDyî bi hawayo fermî aşkere kerd ke zaf hûmarî de hêz û partîyê ke Şam, Humûs û Latkîye de yî, beşdarê înan bîyî. Sebebê beşdarbîyîşê nê hêzan, projeyê MSDyî bî. Ma projeyanê xo zaf hetan reyde şêwiryenî û bi no hawa amade kenî. Ma seba çareserîye heme munaqeşeyan rê akerde yî, tena wa projeyo ke hetê her kesî ra bêro qebûlkerdiş, vejîyo raşte, bes o.”
ŞÎNDA EKREM / QAMIŞLO / ANHA