Rojnameyê Ozgur Gundem ke sûkanê Tirkîye û Kurdistan de wayrê tîrajekê gird o 16ê Tebaxî de ame giroten. Verra girotişê Ozgur Gundemî û binçimgirewtişê gurekaranê ci wendoxanê rojname ra zî nêrazîbîyenî yenê. Wendoxê ke Îzmîr de ciwîyenê zî qerarî rê nêzarîbîyen damûsnay û vatî: “Şima bombevornayen kerd bêveng nêbi, şima qedexe kerd bêveng nêbi, şima vilakerdoxê ci kiştî reyna bêveng nêbi û do bêveng nêbo. Ma rojnameyê xo ewro zî girot, ma dê şewra zî bigîrê. Rojname do tim bivejyo û ma dê zî tim bigîrê.”

Rimxo ke derheqê Ozgur Gundemî de qerarê girotiş ame dayen, kêberê ci mor bî û gurekarê ci amey binçimgirewten la rojname onca zî vejîyeno. Vizêr zî rojname zey homara taybet yê rojnameyê Atilim, bi 4 rûpelî bi manşetê “Milê xo çewt nêkenime” vejîya. Kişta bîn ra seba rojname her ke şino poştdayenî benê hera. 

Wendoxê Ozgur Gundemî yê Îzmîrî ke girotişê rojname rê nêrazîbîyen damûsnay aşkere kerdî ke iyê dê wayrê rojnameyê xo bivejyê. Wendoxan ra Fûat Yavuzî vist vhirî ke roja ronayiş ra heta na het rixmê pêrokîn zextanê dewlet Ozgur Gundemî xeberê raştîn resna wendoxanê xo. Yavuzî vist vîrî ke inan Ozgur Gunemî ra xoverdayişî musîyayê û wina va: “Roja ke bana ci amê bombevornayen zî rojname vejîya. Rojnameyê ma do nîro giroten, ma dê milê xo çewt nêkerê û xover bidê. Ma dê destûr nêdê ke rojnameyê ma bîro giroten û gurekarê ci bîrê tepişten. Ma rojnameyê xo het de yê, ma dê wendişê ci rê dewam bikerê. Kişta maddî û manevî çi hewce bikero, ma dê ey bikerê.”


Meterîseke muhîm o

Wendoxê bîn Baran Doganî zî aşkere kerd ke dewlet ser rojnameyê ke weşanê mûxalîf kenê de zextî ramena û va, se beno wa bibo rojname do weşana xo rê dewam bikero. Doganî vist vîrî ke nê polîtîkayî bi serrano yenê ramiten û nêşkenê şarî bitersnê û wina dewam kerd: “Ser rîyê erdî de (dinya) jew rojname zî nêame bombevornayen. Rixmê nayî Gundem roja ke ame bombevornayen roja bîn vejîya. No tarîxê xoverdayişî yo.Ma ê rojan de zî wend, ewro zî ma wanenê. Nê pêrokîn çî dê ravêrê, Ozgur Gundem do nîro bêvenkerdiş. Rojnameyê Ozgur Gundem dewamê gelenegê çapemenîya azad o û meterîsekê muhîm o.” 


‘Do hertim bivejyo’

Welatijo bi nameyê Azîz Batûrî zî hayr ant zextanê dewlet yê verra Ozgur Gundemî ser û wina va: “Dewlet çend reynî hewl da ke rojnameyî bêveng bikero, la sernêkewt.  “Şima bombevornayen kerd bêveng nêbi, şima qedexe kerd bêveng nêbi, şima vilakerdoxê ci kiştî reyna bêveng nêbi û do bêveng nêbo. Ma rojnameyê xo ewro zî girot, ma dê şewra zî bigîrê. Rojname do tim bivejyo û ma dê zî tim bigîrê.” 

Wendoxê bîn Samî Huseyînî zî da zonayen ke Ozgur Gundemî her tim heqanê mordeman û demokrasî esas girot û aşkere kerd ke seba nay dewlet êrişê ci kena û hewl dana ke bêveng bikero. Huseyînî vist vîrî ke rîwalo ke Gundem heqanê mordeman esas gêno zaf yeno wendiş û wina va: “Wexto ke ma Ozgur Gundemî wanenê ma fehm kenê ke kamcî sîyasetmedar raşt o, kamcî şaş o. Rîwalo ke Ozgur Gundem heta ewro pawitenê şarî kerd ame giroten. Nayî ra, nê wextanê zehmet de ganî şar wayrê rojnameyê xo bivejyo.”


‘Gundem qilêrînanê dewlet vejeno werte’

Wendoxa bi nameyê Berfo Barî zî zextanê vera Rojnameyê Ozgur Gundemî rê nêrazîbîyayen damûsna û vist vîrî ke Gundem tenya jew rojnameyo ke qewimyayişanê Kurdistan eve pêrokîn raştîyan weşîneno yo. Barî va, rîwalê na raştî wazîyeno ke rojname bîro giroten. Berfo Barî va, “wa xo vîra nêkerê, nê çî amey ceribnayen, la vinî kerdî, do fina eynî çî bibo.” Welatijo bi nameyê Mesût Demîrcan’î zî vist vîrî ke Gundem raştîyan nuşteno, bê ters kerdenanê dewlet vejeno werte û aşkere kerd ke se beno wa bibo rojname do bivejyo. 


Aktivîst KJA û Azaya Heyetê Îmrali Ceylan Bagriyanik zî girotişê Ozgur Gundemî rê nêrazîbîyen damûsna û aşkere kerd ke gelenegê xoverdayiş yê Gundemî esto. Bagriyanik da zonayen ke Ozgur Gundem tenya rojnameyekê rojane nîyo, ‘warekê azadî’ yo. Ceylan Bagriyanik hayr ant zext û êrişanê verên yê ser Ozgur Gundemî û aşkere kerd ke gelenegê çapemenîya azad azadîya civakan, şaran, îtiqatan, cenîyan, kulturan hertim ard ziwan û heqîqetan resna civakî. Bagriyanik vist vîrî ke mekanîkê derbe dewre de yo û hayr ant berzkerdişê tekoşînî ser. Aktivîst KJA veng da pêrokîn cenî û şaran ke wayrê Gundem bivejyê û rojdema cenîyan bipawê.   


 DÎHA/ÎZMÎR 




‘Wayîr bivejyê’


Kordînasyonê KJK girotişê rojnameyê Ozgur Gundem'î şermezar kerd û veng da ceniyan û quwetanê demokrasî ke wayirê Ozgur Gundem'î bivejiyê. 

Vera girotinê rojnameyê Ozgur Gundem'î rê nêrazîbîyayişekê zî Hereketê Banî yê Ceniyanê Kurdistan KJK ra ame. Kordînasyonê KJK girotinê Ozgur Gundemî û binçimkerdinê rojnamevanan zey leteyê darbeya AKP hesibina. KJK ard ziwan ke Ozgur Gundem vengê quwetanê demokrasî û azadî yo û vist vîrî ke Ozgur Gundem tim hedefê dewleta tirk de bi. 


Veng bide

KJKA va, çimki Ozgur Gundem şertanê tewr zehmet de û rojanê tewr tarî de, bi roşniyê azadî û demokrasî û wina dewam kerd: “Cok ra zî rastê êrişan ame û yeno. Dewleta tirk û hukumetê AKP wazenê vengê Ozgur Gundem'î bibirnê. La belê qe jew quwet nêşeno vengê demokrasî û azadî bibirno.” KJK vist vîrî ke Ozgur Gundem vengê azadiyê ceniyan o zî û vat: “Êrîşê ser Ozgur Gundemî, girotinê rojname û binçimkerdişê rojnamevanan, êrişê vera xeta cenîya azad o zî.” Kordînasyonê KJK vera girotişê Ozgur Gundem û binçimkerdinê rojnamevanan veng da heme ceniyan û quwetanê demokrasî ke wayirê Ozgur Gundem'î bivejiyê. 

KJK hayr ant rewşê Rayverê Şarê Kurd Ocalan'î ser aşkere kerd ke no rewş hêrsê kurdan keno vêşî.  KJA vengê ramitişê nûmayişan da.  


 ANF/BEHDÎNAN