“No di hewteya ke ma payîvê peynîbîyîşê testê DNAe yî. Ma wazenî wa demo ke rewêr no ravêreyey biqedyo û ma cenazeyê xo bigîrî.
Aydemîr dergeyîya qalîkerdişê xo de ciresna ke hema testê DNAye nêqedyayo û wina verdewam kerd: “Cenazeyê ma rewşê wina de bî ke nêameynê naskerdiş. No semedî ra lazimîya testê DNAye estbî. Labelê no babete sero 2 hefte vîyarto zî hema zî bi encam nêbîyo û ma hîna cenazeyê xo nêgirewto. Ma payîvê encaman î. Waştişê ma tena no yo ke ma cenazeyê xo defin bikî.”
Gumanê çekê kîmyewî
Aydemîr qalîkerdişê xo de bal ant ser îdîayê xebetnayîşê çekê kîmyewî sero û wina vat: “No hetî de gumanî est î. Semedê ke cenazeye mîyanê halê wina de bî ke nêameynê naskerdiş. Labelê no rewş hîna zelal nêbîyo. Semedê ke test encam nêbîyo ma waşt ke wa cipersayîş dest pê biko. Semedê cigêrayîşî îdîaye ma sere dayo dozgerî ro. Bade ke ma cenazeye defin kerd, ma do doza huqiqî bişopnî.
Tewr peynî wekîlê HDPe ya Dêrsimî Alîcan Onlu yo ke şi cenazeye dî û vat: “Cenazeye bi temamî veşaybî û nêameynê naskerdiş. Heme sey komirî bîbî. Mîyanê cenazeyan ra tena yew parçeyek cenazeyek nêveşaybî, aye bîn heme veşaybî.”