Rojameyê Îşçî ke hetê Komeleya Cigêrayîş û Kulturî ya Anadolu (AKA-DER) ra bi hawayêko perîyodîk her aşme yeno vetiş, na aşme zî hûmara ci ya 145. vejîya. Babete ser o Ayça Tezerîşîra ke rîpelê cinîye yê Rojnameyê Îşçî amade kena, qisey kerde. Tezerîşîre va ‘komeleya ma 2001 de Mamakê Anqara de awan bîye’ û wina domnaye: “Şûbeya ma ya Kadikoyî zî serra 2009 de ameybî awankerdiş. Nê erdan de zaf şarî pîya cuyenî û kulturê cîya cîya têmîyan kewtî. Cok ra têkoşînê şaran zaf muhîm o. Komeleya ma zî nê semedî ra ameya awankerdiş. Ma ekolojî, cinî, huner û şaran ser de xebatan kenî.”
Ma vengê cinîyan î
Tezerîşîre va ‘hedefê ma o yo ke ma rojeva karkeran bi Rojnameyê Îşçî biresnî karkeran’ û wina dewam kerde: “Ma bi şîyarê ‘ma ferikanê ci nê, dinya heme wazenî’ hereket kenî. Ma bi rojnameyî hewl danî rojeva kede bivejî aver û merdiman nêyî ser ro zana bikerî. Rojnameyo ke 2004 ra nata vejîyeno de rîpelê cinîye 2 serrî yo ke bi hawayo nîzamin yeno amadekerdiş. Ma seba ke cinîyî bişînbî xo îfade bikerî û mîyanê xebatan de ca bigirî, cinîye rê rîpel aqitna. Cinîyî nîmeyê nê komelî yî; cok ra ma wazenî bibî vengê cinîyan.”
ŞÛJIN / STENBOL