Di Stadyuma Ataturkî de mîyanê Amedspor û Galatasaraye de maç biameynê kaykerdiş, verê maçê Mûdirîya Bayindirlikî stadyumî de cigêrayiş kerd û peynî zî vat di stadyumî de telukeya rijyayişî est o û peynî zî vat ke tena no maçê 4500 kesî eşkenî temaşe bikerî.
Amedspor no raporê ra îtîraz kerd û serpiro Mûdirîya Spor û Walîtî ra kerd û waşt ke 13000 hezar kesî maçê temaşe bikerî. Berpirsîyarê Şaxa Futbola Amedspore Mahmut Dag raporê ra bertek mojna û vat ke no maç, seba şaristanî zaf muhîm o û no ser zî bi hezaran temaşekerdox wazenî no maçê temaşe bikerî û wina vat: “Ganîyo ke no stadyum bêro akerdiş û no ser zî ma Mûdirîya Spor û Walîtî ra serpiro day. Ma ra îzeh kenî ke guya teluke rijyayişê stadyumî est o. Qey no telukeya rijyayişê 4500 kesî ra çin o. Ya stadyumî biqefelnî ya zî fek verabidî.”

Ma do qezenc bikerî

Dag aşkera kerd ke ê wazenê maçê Galatasaraye qezenc bikerî û wina domna: “Ma wazenê no maçê ra bi galîbîyetî bivejî la esil muhîm ma ra bi keyfweşî de vîyartişê maç o, di maçan de hîrê skor est o yew galîbîyet, yew maglubîyet û pîyamendiş o. Amedspor wazena maçê qezenc bikero.”

AMED