Kombîyayişê de serekê ABFê Bakî Duzgun qise kerd. Duzgun vat ke çi heyf ke hema zî dewleta tirk Terteleyê Sêwaz reyde rî bi rî nêameya û qetilkar zî ver dadgehê nêvejîyayî û wina vat: “Dewleta tirk Terteleyê Çorum, Dêrsim, 1’ê Gulan, Gazîyê reyde rî bi rî nêame. Dewleta tirk heme qetilkarîya domanan ra verpirsîyar a.”
Duzgun ciresna ke taybetê ser elewîyan dema AKP tade û zilm hîna bi pergalî û wina dewam kerd: “Bi zatî serekwezîr verê qalabalixan elewîyan da yuhkerdişî û bi vatişê xo zî elewîyan hedef kerd. Erdogan wazena dewleta teokratîk ra bivîyara û verê no projeyê xo de zî sifteyin elewîyan teluke vînena û ser elewîyan tade û zilm şuxulnena. Dewlete ganî nê terteleyan de rî bi rî bêra, ma dijî na pergala faşîst de her tim têkoşîna xo bidê û ma qet biratîya şaran fek veranêdî. Do ma hetanê Madimak bibo Muzeya Şermî ma têkoşîna xo bidomnî.”
Bernameyê Madimakî
Bi şîara ‘Madimak vîr meker û med vîrkerdişî’ de ABF û PSAKD bi hembarî çalakîyan bivirazî. Sifteyin do 29 hezîran de Kongereya Demokratîk a Şaran Raşteyê Sakaryayê de merasîmek dar bivisna. 30 hezîran de Yewîtîya Borayê yê Tirkîyayê panelek bivîraza. Do 1’ê temmuze de Salona Konferansê yê Navenda Baroya Enqereyê de panel bêro viraştiş û belgefîlm zî bêro pêşkêşkerdişî. 2’ê temmuz de zî verê Madimak de do vîrardişeke bêro viraştişê. 3’ê temmuz de zî do karîkaturê Asaf Koçakê bêrê pêşkêşkerdişî.
DÎHA/STENBOL