Bostan malê xo yo ewilin da. Çîyê ke bostan de ame resnayîş semtê bazarî yê Jîyan û Cayê Fîdanlixî de yenê rotiş.
Şaredarîya Bajarê Gird a Amedî aşma verîn taxa qezaya Bismil Ambar de 229 donim erdo ke çarçiwaya qanunê 6360 de dewrê Şaredarî bibi 35 donimê ci da dewijan.
Şaredarîya ma semedo ke vernîya karkerê mewsîmî bigêra modelê ekonomîya parekere eşt falîyet. Na proje netîceyê xo da. Çarçiwaya proje de erd dîya 4 keyeyan. 4 keyeyî bişeklê îmece bostan de, Firingî, palîcan, Îsot, Xîyar, Petêx û zebeş nayê ro. karê rotişê mazemeyan zî Serekîya Daîreyê Xurtkerdişê Ekonomîya Herêmî kena. Qezenc zî mîyanê keyeyan de ame parekerdiş
4 keyeyî miqateyê baotanî benê
Serekê Serekîya Daîreyê Xurtkerdişê Ekonomîya Herêmî Necatî Pirinççioglu derheqê xebatan de malumat da û îna va “ Ma taxa Bismil Ambar de tespît kerd ke tikî keyeyî şinî teberê Amedî de xebetyenê. Ma înan dir pêvînayîş kerd. Nika 4 keyeyî ê hêgayan ra îstîfade kenê. Hetê keyeyan ra hêga de petêx û zebeşî yenê ronayîşş. Keyeyî bişeklê îmece xebat kenê û çîyê ke hêgayan de resnenê her roj benê Pazarê Jîyan û Fîdanlix de roşenê
Proje hîra bena
Pîrînççîoğlu qalîkerdişê xo de îzeh kerd ke înan sere de 10 keye plan kerdibi û wina va “ Ma dim ra na hûmare ard 4. Ma keyeyan ra teklîf kerd. La tikî keyeyî qebûl nêkerdî. Wexto ke ê keyeyî vînayê ma karêko hewl kenê dim ra ameyê ma rê vatê ‘ma zî wazenê şima dir xebate bike’. Dorê bismil de nika zaf keyeyî wazenê mîyanê na komune de ca bigêrî. Xebata ke ma taxa Ambar de kerd destpêk bî. Ma do nika ra tepîya xebatanê xo bidomne
Pîrînççîoğlu qalîkerdişê xo va “ Ma dim ra na hûmare ard 4. Ma keyeyan ra teklîf kerd. La tikî keyeyî qebûl nêkerdî. Wexto ke ê keyeyî vînayê ma karêko hewl kenê dim ra ameyê ma rê vatê ‘ma zî wazenê şima dir xebate bike’. Dorê bismil de nika zaf keyeyî wazenê mîyanê na komune de ca bigêrî. Xebata ke ma taxa Ambar de kerd destpêk bî. Ma do nika ra tepîya xebatanê xo bidomne.”
AMED