ADNAN BÎLEN / MA/WAN
Wan de Hemserekê DÎSA-DERî Naîm Ozden, perwerdekarê Kurdî Şevket Acar, Dîlber Akin, Mizgîn Denîr, Gulsum Bîlge, Ferhan Yeşîl û Celal Soguk bi îdiaya ‘Endamê rêxistinî’ 5 aşmî tevqîf bibî, peynîya tehlîye zî beraat kerdê.
Dadgeh qerarê xo de îdiaya ‘Domanan ra bêdestûra fermî perwerdeyê îdeolojî danî’ nêbîyayişê delîlî ser o betal kerd û dadgeh bal ant îfadeyê domanan ke mamosteyê ma, tena ma ra herfê A,B,C musnaynê. Dadgeh qerarê xo wina aşkera kerd: “Demo ke heqê şikkeran de meteryalê dijîtalî yeno cigêrakerdiş ke îdiaya rêxistinî ra endam resayiş û îdeolojîya rêxistinî domanan ra famdayişî ser delîl çin ê. No ser yew bi yew heqê şikkeran qerarê beratî ameyo dayiş.”
Armanc verê girewtişê perwerdeyê Kurdî bî
Babete ser o Perwerdekarê Kurdî Şevket Acar vat ke verê qeyumî binê banê şaredarî de kreşe Kurdî ameybî akerdiş, ê zî uca de xebityaynê la peynî qeyuman ameyê û kreşan qefelnayê û wina vat: “Ma heme zanenî ke musayişê ziwanê dayîke sûc nîyo la belê nêzdîbîyayişê Kurdî yê înan ser o waştî ma îllegalîze bikê. Yew cayê Dinya de veracîya musayişê ziwanî tevqîfkerdiş nîyo. Hem ma hem zî domanî maxdur kerdê.”