Yer vist vîrî ke ganî endî dewlet mantiqê polîtîkayanê tîvarîye û lejkergehî ra fek verado.
Kombîyayişê çapemenî ke bana sûk yê HDP de virazîya de parlementerê HDP yê sûk Alîcan Onlu, hemşaredara Dersim Nûrhayat Altûn ra pîya îdarekarê DBP û HDP yê sûk tewr bî.
Raya kaosî ra vetiş haştî ra vêreno
Hemseroka DBP yê sûk Hulya Yer metno wertex wend û hayr ant viraştişê pêdiyayişê bi Ocalanî ser. Yer da zonayen ke mesaja Ocalanî do quwet bido çarekerdişê meseleya kurd û aşkere kerd ke ê maneya gird danê fikir û vernîyazanê Ocalanî. Hulya Yer vatişanê ‘Ma sûkan rijneme, bombe vorneme ser koyan, îmha kenime’ yê sermîyayanê dewlet rê nêrazîbîyen damûsna û waşt ke dewlet endî mantiqê polîtîkayanê tîvarîye û lejkergehî ra fek verado.
Metnê wertax de vajîya ke vengdayiş û vatişanê Ocalanî reyna kêberê kerd ra. Hemseroka DBP yê sûk Hulya Yer da zonayen ke ê qedr, qîmet û destegê gird danê qisey û vernîyazanê Ocalanî. Yer va nayî ra ma dê tekoşîna xo biramnê û aşkere kerd ke raya kaos û dînamîkê kaosî ra vejyayiş haştîyeke rûmetîn û qebûlkerdişê waştenanê heqdar yê şarê kurdî ra vêreno ra.
Dersim de nûmayişî ramenê
Heto bîn ra Dersim de nûmayişê azayanê Egîtîm Senî dewam kenê. Emegdarî serrê çarşiye binê hardî de ameyî têhet. Mualiman ra Sati Bagci kar ra estana mualiman sero qeseykerd û nêrazîbîyen damûsna. Nûmayişkaran sloganê jê 'Roze yena AKP hesap dana şarî' û 'Verra faşîzmî pîya vinderîme’ berz bî.
DÎHA / DERSIM