30 madeyê pêşnîyazê qanûnê înfazî ame qebulkerdiş. Bi pêşnîyazê qanûnê înfazî de hepsîyê sîyasî nêameyî vînayene. Vengdayîşê keye û sazgehan zî nêame eşnawitiş. Keyeyan dîyar kerdî ke şertê hepisxaneyan zî her ke şono xidar beno. Birayê Vesîle Yuksele, Delîl Tekîno ke Hepisxaneyê Girewteyî yê Şakranî de tepişte yo, bi telefon ard ziwan ke rewşa înan baş nîya û ganî na rewşe bêra sererastkerdiş. ‘Ma bi etîr ê’ Vesîle dîyar kerde ke Delîl, derheqê rewşa hepixaneyî de wina vato: “Doktorê revîro ke ma ci de yê, testê ey Vîrusê Koronayî pozîtîf vejîya. Nê ser o ey eşrawitî. La ma do se bibê? Xeylêk embazê ma verê doktorê revîrî de muayene bî. Kesê ke muyane bîyê vatî, testê înan negatîf o la ma reyna zî bi etîr ê. Ma bi îmkananê xo hewl danê ke yewbînan bipawê. Îmkanî tîya tay ê. Tîya maskeyî kantîn de bi pereyan yenê rotiş. Înfazê mi û embazanê mi veşnayî. Ma bi etîr ê.” Vesîleye vengdayîşê hîsgêrî kerde û reaksîyon vera Paketa Hukmî ya 3ine ke hepsîyê sîyasîyan teber de verdena, da. MÊRDÎN