Fermandarîya Qerargeha Navendê Pawitişê Şarî, bi wesîleya Hefteyê Qehremanî îzahateke nuştekî weşîna, 31. serragêra şehadeta Mahsûn Korkmazî de pêrokîn şehîdanê serbestîye vîrard û sozê ca ardişê xeyalanê şehîdan da.
Têkoşîna Serbestî yê Kurd de mavêna 21-28'ê Adar zey Hefteyê Qehremanî yena qebûlkerdiş û mîyanê no hefteyî de şehîdê azadîye bi aktivîteyanê cîya cîyayan yenê vîrardiş. Fermandarîya Qerargeha Navendê Pawitişê Şarî vist vîrî ke “Qehreman ê kesê ke, seba ameyoxa şaran gamanê şoreşgerî rê pêşengtî kenê yê. Şarî ti wext qehremanê ke seba xo fedakarîye gird kerdê, xo vîra nêkenê, her tim rêçê înan ra şinê û bi no hewa xobîyayîşê xo mendayî kenê. Îzahatî de vajîya ke şarê ke wayîrê qehremananê xo nêvejyenê, mehkûmê çinbîyayîşî yê.
Kurdan çinbîyayîş ra xelesna
Hefteyê Qehremanî roja çalakîya ke qehremanê hemdem Mazlûm Dogan’î Newroz de vera dagirkerî viraşt ra destpa kena û heta roja şehîdbîyayîşê Fermandar Egîd (Mahsûm Korkmaz)î ke 28ê Adare de Koyanê Gabar de şehît kewt, dewam kena.
Fermandarîya Qerargeha Navendê Pawitişê Şarî, îzahatî de hayr ant raştîya Fermandar Egîdî ser û wina va: “Hemleya 15'ê Tebaxe ke embaz Egîdî ser xeta Rayver Apo’yî de viraşt, sebebê tewr gird yê serkewtişê xoverdayîşî yo. Fermandar Egîd, ke gerîlacitî û hemleya 15'ê Tebaxe rê pêşengtî kerd, şarê ma çinbîyayîşî ra werzna ser payan û ganî kerd. Rihê Egîdî tenya Vakurê Kurdistanî de nê, eynî wextî de ser pêrokîn parçeyanê Kurdistanî de tesîr kerd.”
Bi temînata serbestîya şarê ma
Fermandarîya Qerargeha Navendê Pawitişê Şarî, vist vîrî ke ‘Rihê Egîd, ewil Şengal, Rojawa û Sûrê Amedî ra pîya her cayanê welatê ma de bi temînata serbestîya şarê Kurd.’ Îzahatî de vajîya ke no çarçove de Egîd ‘Qehremanekê Neteweyî’ yo û wina dewam kerd: “Rayver Apo û partîya ma PKK, tarîxê têkoşîna ma de her xeleka muhîm ê şehadetî açarna hemleyek. Seba vîrardişê Egîdî ARGK amê ronayen û prosesê artêşbîyayîşê şerê gerîla destpa kerd. Taqîpkarê Fermandar Egîdî ewro Şengal de, Kerkûk de, Zagrosan de, Dersîm, Amed, Amanos, Derya Sîya de, Botan û çehar leteyanê Kurdistanî de pawitişê şarê xo kenê. 31. serragêra şehadeta Mahsûn Korkmazî de ma soz danê, ke kultura lejkerî ya ke Fermandar Egîdî afernay, do seba ma Hêzanê Pawitenê Şarî bibo rayver.
ANF/BENDÎNAN