Dewa Hacivellîler a Golmarmaraya Manîsayî de tankera şitî û servîsê karkeranê hegayî yewbînan ra gina bî û peynîya qezayî zî 15 karker cuyayişê xo vinî kerdbî. Mîyanê tewr peynî 6 aşmî de qezaya trafîkî de 794 karker cuyayişê xo vinî kerd. Mergê karkeran ra wekîla HDP ya Amedî Sîbel Yîgîtalp bertek mojna û malbatanê karkeran ra zî serweşî waşt.
Yîgîtalp aşkera kerd ke verpirsîyarî mergî karkeran ra hukimata AKP verpirsîyar a û wina vat: “Ê pergala taşeronîyê qebul nêkenî, çimkî ma beyannameyê xo de aşkera kerd bike do ma dijî karê bê sîgorta, bê sendîka û bê ewle de têkoşîn bidî. Ma na têkoşîna xo ra do Meclîs de verdewam bikerî û rayverî bikerî.”
Karkerê cenîyê
Yîgîtalp aşkera kerd ke çi heyf ke her tim Tirkîya de îqtîdaran cenîyê xo ra mehkûm kerdî û wina vat: “Taybetê karkerê hegayî rê persfektîfê cidî yê Rayverê Şarê Kurd Abdullah Ocalanî estî. Birêz Ocalan na babet de vana ke ganîyo ke karkerê ma axê xo ser xebat bikerî û xo îstîhdam bikerî û paradîgamayê Ocalan heme şaranê Tirkîyayî rê vîyarteya. Ma dijî modernîteya kapîtalîst de têkoşîn bidî. Ma zatî bi serrana ke seba karkeran xebatê xo aver benî.”
Xebere dejî
Wekîla HDP ya Amedî Feleknas Uca zî aşkera kerd ke çi heyf ke Tirkîya de her roj merdim xeberê dej gêna, taybetê qezayan de ya cenî ya zî domanî mirenî, zatî karkerê hegayî zî qet wayîrê yew ewleyî nîyê û wina dewam kerd: “Karkerê cenîyê kamyonan ra siwar kenî û peynî vejenî rayîrî. Ma dijî na zîhnîyetî zatî beyannameyê xo dîyar kerdbî. Nika ra pey ganîyo seba cenîyan, xocayî de îmkanî karî bêro vînayişî. Heme cenîy ganî bêrê sîgortakerdişî. Taybetê kurd cuyayişê xo danî.”
BÊRÎTAN ELYAKUT/ŞEHRÎBAN ASLAN/JINHA/AMED
Dewlet û kapîtalîzm verpirsîyar o
Tevgera Cenîyan a Demokratîk a Ewropayê (ADKH) heqê terteleyê karkeran de aşkera da.
Aşkera de ame vatiş ke çi heyf ke nê tarz qezayan de dewlet her tim karkeran sûcdar kena.
Aşkera de wina ame vatiş: “Vizêr Soma de senî vatî se ewro zî vanî teqdîrê Homa yo û bi no rayîrî zî ser qezayê qefelnenî. Karkerê hegayî seba yew loqmayî bê ewle de xebityenî û ewleya karkeran zî çin a. Çi bala ke taybetê cenîyê karker cuyayişê xo danî, çimkî bîyîşê cenî domanî, dewlet mergî înan ser qebul kena. Tena sûcê înan feqîrbîyîş o. Verpirsîyarê no terteleyê dewleta tirk û kapîtalîzm o.”
ANF/BRUKSEL