Seyîd Riza û embazê ci 15ê teşrîna peyêna 1937î de ameyî îdamkerdene û ewro serrgêra 81. ya şehadetê aye yo. Babete ser o Parlamenterê HDPyî yê Antalya Kemal Bulbulî meclîs de qisey kerd û Seyîd Riza û embazanê ci yad kerdî.
Bulbulî va ‘mehkemeya ke nameyê ci derbaz beno de îdîaname û açarnayîş nîno kerdene’ û wina domna: “Xora mehkeme zî roja betlane de yena viraştene. Çîyê ke ameyî cuyayene, qirkerdişêk o. Wexto ke 2011 de babete ameye rojeve, serekwezîrê ê wextî vatbi; eke lîteratur de çîyêko winasî hewce bikero, ez ozrê xo wazena.”
Bulbulî dewamê qiseykerdişê xo de wina va: “Raştîya xo de Seyîd Riza problemê kurdî birîna ke ewro zî gonî tira şona ya. Wexto ke Komare ameye ronayene, qala seyyewbînanî, demokrasî û sewbîna kerdêne. Labelê çi heyf ke waştişê Seyîd Rizayî nêame dîyayene. Herçiqas ke orte de serewedaritişêk çinêbi zî, merdimî erzîyayî şikefteyan mîyan û ameyî qetilkerdene. Wa arşîvî bêrî akerdene û mehkemekerdişî newe ra bêrî kerdene. Wa tazmînatê madî û manevî bêrî dayene û mezelê Seyîd Riza û embazanê ci bêrî tesbîtkerdene. Reyna wa Qanûnê Tuncelî zî bêro wedarnayene.”
PÎRHA / STENBOL