Meclîsê Herêma Kurdistanî roniştişê xo de qerarê ke Meclîsê Iraqî de derheqê Herêma Kurdistanî de ameybî girewtiş red kerdî û da zanayîş ke zafaneyê qeraran meşrû nîyî û referandûmê xoserîye yê Başûrê Kurdistanî bi destekê qanûno bingeyî yê Iraqî ameyo viraştiş.
Heto bîn ra Meclîsê Herêma Kurdistanî welatanê cîranan ra zî waşt ke wa vera qanûnê înan de rêze nîşan bidî. Meclîsî dîyar kerd ke padayîşê berê sînorî destê qanûno bingeyî yê Iraqî de nîyo.
Qerarê ke Meclîsê Herêma Kurdistanî girewtî, nînan ra çend hebî wina yî;
* Ma welat û komelê mîyanneteweyîyan ra wazenî ke wa vera qerarê şarê Kurdistanî de rêze nîşan bidî.
* Meclîsê Herêma Kurdistanî qerarê ke Meclîsê Iraqî de ameyî girewtiş û bitaybetî qerarê ke vera referandûmî de reaksîyon nîşan danî, red keno. Çimkî nê qerarî çi goreyê qanûnî yî û çi zî goreyê qanûno bingeyî yî.
ROJNEWS/SILÊMANÎ