Temsîlkara Hereketê Ceniyanê Kurd yê Awrûpa Songul Omurcan qiseyê akerden yê kombiyayin kerd û hayr ant polîtîkayê qirkerdin yê dewleta Tirk ser. Omurcan ard ziwan ke, gune hometê alewî vera qirkerdinê Kurdan bêveng nêmanê û vist vîrî ke hedefê qirkerdinan de alewî estê. Omurcan da zonayen ke hedefê DAIŞ de qirkerdişê alewiyan esto û hayr ant sîstemê xopawitişê alewiyan ser.

Hemseroka Komeleyê Alewiyê Demokratîk Hulya Yer zî qisey kerd û vist vîrî ke, Tirkiye û Awrûpa vera qetlîaman bêvengî yê.   Yer waşt ke, Alewî kî tewrê sîstemê xo pawiten bibê. Hemseroka Federasyonê Alewiyê Demokratîk Bêmal Ozdemîr’î zî vist vîrî ke, bi ronayişê meclîsî ra piya cenî dê rêxistinbiyayişê xo bi xo çare bikerê. Dergayê Alewi yê Parîs  ra Meryem Deprem  da zonayene ke rîtuelê alewiyan asîmîle biyê û waşt ke herkes bibo jew û ameyina xo rono. Badê qise û pêşniyazan Meclîsê Ceniyanê Alewî roniya.  

ANF/LEVERKÛSEN