Kongreyê Şaranê Sûriye

Hadreyînê Kongre jû serriyo, hetê TEV-DEM, Rayverîna Xosereya Demokratîk, PYD, Koma Partiyanê Desteyê Siyasî yê Rojawa, temsîlkaranê Konseyê Netewî yê Ereb amey  ramiten. Kongre yo ke di rojî dewam kerd de, temsîlkaranê şaranê Kurd, Ereb, Ermenî, Asûrî-Suryanî û Tirkmenan ra nezdiyê 60 partî, rêxistin, sazgehê sivîl ca girotî. Peyniyê Kongreyê Sûriye ya Demokratîk de, 42 kesan ra Meclîsê Sûriye ya Demokratîk roniya. Meclîs zey perrê siyasî yê QSD ame tenzîmkerdin.


Peynînameyê Kongre 

Pêşniyaz, qerar û plansazeyê Kongre peynîname de amey aşkere kerdin: 

Welatê ma hetê qûwetanê heremî û mavênnetewî açarniya gola gonîn. Rêxistinê terorîst ser na trajedî hesab û bazarey kenê. Kongreyê Sûriye ya Demokratîk bi meqsedê çarekerdişê meseleyanê welatê ma are bi. 

Kongreyo ke bi sloganê ‘serva înşa kerdinê Sûriye ya Demokratîk û Azad’ viraziya, bi serkewtiş qediya. Netîceyê Kongre de Meclîsê Sûriye ya Demokratîk roniya. No meclîs do rijnayişê gonî vinderno, welat letebiyîn û taritî ra bixelesno.


Makeqanûna newî

Kongre de qerar ame giroten ke, makeqanûna newî ke, îtiqat, serbestî û kiltûrê şaran bigîro bin garantî viraziyo. Rîwale ke çarçoveyê welatê wertex, cuwyayişê azad de civakê pir rengî bîro tenzîmkerdiş û zihnîyetê despotîk welişyo qerarê mûtebaqatê siyasî ame giroten.Delegeyan aşkere kerd ke, îyê de Qûwetanê Suriye ya Demokratîk (QSD) ke verra çeteyan her kenê, temsîl bikerê. 

Kongre de derheqê goçî û peyser ameyişê goçberan de qerarî amey giroten. Meclîsê Sûriye ya Demokratîk do çarçoveyê prensîbê hurmet, haşitî û cuwyayişê wertex, bi welatanê cîran-imbiryanan têkilî de bo. Peynîname de vajiya ke, ronayişê Meclîsê Sûriye ya Demokratîk wezîfeyê do exlaqî yo. Verra kiştê siyasî jew refleks niyo.


Sîstema pir rengî

Meclîsê Sûriye ya Demokratîk serva ke welat herb û prodayişan ra bixelesno, do tekoşînê siyasî bido.  Peynîname de vajiya ke, Meclîs do serva vûrnayişê Sûriye, çarçoveyê qanûnanê mavênnetewî de bi sazgeh û îdareyanê mavênnetewî dîyalog rono û pêdiyayinan rono. Herzewbîn hedef keno ke, sîstemê da pir rengî rono. 


 ANHA/DÊRIK