Medreseya Sor a tarîxî ke qezaya Cizîrî ya Şirnexî de yo û tirbeyê şaîrê Kurd Melaya Cizîrî ca gêno hewna yeno restorkerdiş. Çarçiweya restorekerdişî de seba niximendişê medreseye ser o bi hetkarîya vîncî dest bi viraştişê profîlê hesinî ame kerdiş, goreyê agahîyan do medrese 2 serrê qefelnaya bimana. Tabele çin o Heto bîn ame musayiş ke Mudirîya Pêroyin a Weqfan îhaleyê restorasyonî daya şîrketê bi nameyê Revan, balkêş o dormeraya awanî de tabeleyê agahdayişî nêameyo elaqnayiş. Esnafê dormeraya medreseye xebata restorasyonî ke rayêko bîn ameyo destpêkerdiş şîrove kerdê û aşkera kerdê ke demo vîyarte restorasyon hewna amebî kerdiş. Merkezê îlîm, kultir û hunerî yo Medrese, seserra 15ine de demê Mîrtîya Cizîrî ameyo viraştiş. Hewşêko gird o medreseye esto û hetê medreseye, polan, mitfax û lojmanê mamosteyan zî estê. Seba ke bi tûleyê sor ê Cizîrî ameyo viraştiş ci ra Medreseya Sor yeno vatiş. AMED