Teqayîşê Anqara ra dima karkerî seba 3 rojan fek karî ra veradaybî. Avûkat Bariş Oflasî zî seba ke tewrê protesto bibo, tewrê mehkemeya muvekîlê xo C.Y nêbî û cok ra Oflasî rê doze abî. Babete ser o avûkat Bariş Oflasî qisey kerd.Oflasî derheqê doze de waştişnameyêk dabî mehkeme û sedemê tewrnêbîyayîşê xo vatbî.
Oflasî aşkere kerd ke hurendîya kiştoxan kesê ke verdê ci veng vejenê mehkeme kenê û wina va: “Ez vera mergê bi seyan merdiman de nêeşkaya bêveg bimana. Cok ra zî ez tewrê çalakî bîya. Kesê ke qatilanê qewimîyayîşî nêdîyî, nika kesê ke vera mergê nê kesan de seba ke kerdoxî bêrî vînayîş vengê xo vetî, mehkeme kenî. Mehkeme ra ver mi destûra muvekîlê xo girewtbî, dima ra ez tewrê çalakî bîya. Na babete de tena heqê muvekîle mi, mi ser de esto. Heqê ti kesî çin o derheqê mi de doze biakero.”
WAN