Serok Komarê Iraqê rewşa Kobanê pirsî û dilxweşiya xwe ya berxwedana Kobanê anî ziman. Serokê Kantona Kobanê Enwer Muslim ji Rojnewsê re axivî û got, “Civîna me ya bi birêz Serok Komarê Iraqê re li ser rewşa Kobanê û piştgirîkirina wê bû. Her wiha li ser dahatoya Rojhilata Navîn û peywendiyên li nava Iraqê de bi encam dibin. Heman demê de hêza siyasî ya Iraqê, piştevanî û alîkariya hêza hevpeymanî li dijî DAIŞ, şandina hêza Pêşmerge bo Kobanê hatin axaftin. Ev hemû mijarên me ên nîqaşê bûn.”


Sipasiya Kobanê kir

Serokê Kantona Kobanê destnîşan kir ku, Serokomarê Iraqê berxwedana Kobanê bilind nirxand, herwiha ji bo heya niha Kobanê kariye berxwe bide dilxweşiya xwe anî ziman û got; “Serokomarê Iraqê Fûat Mehsûm got, DAIŞ ne tenê dijminê gelê Kurde, dijminê hemû gelê herêmê ye. Ew êşa ku niha xelkê Kobanê ji destê DAIŞ’ê dibîne, beriya wê jî gelê vir di dît. Gelê me yê Iraq û başûrê Kurdistanê di encama êrişên terorîstan de ziyanên mezin dîtine. Ji ber vê çendê pêwîste hemû cîhan alîkarî û piştgiriyê bide ku, DAIŞ’ê têk bibin.” Enwer Muslim da zanîn ku, Serokomarê Iraqê ji bo dahatoya Rojhilata Navîn, Iraq û Sûriyeyê got, divê ji bo aştî û demokrasiyê hevpeymaniyek bê biryar dayîn. ”

HEWLÊR-ROJNEWS