Serokomarê Iraqê Fûad Mehsûm bi riya firokxaneya navnetewî ya Silêmaniyê çû Herêma Kurdistanê û di çarçoveya serdana xwe de serdana serokomarê Iraqê yê berê û sekreterê giştî yê YNK’ê Celal Talabanî kir. Fûdad Mehsûn li hemberî başbûna tendirûstiya Talabanî keyfxweşiya xwe anî ziman û wiha got: “Niha jî li ser asta Iraq û navneteweyî, di civînên Neteweyên Yekbûyî û siyaseta navneteweyî de bi giringî behsa rolê serok Mam Celal tê kirin.
 
Bi nûnerên partiyan re dicive

Serokomarê Iraqê Fûad Mehsûn li Silêmaniyê li gel partiyên siyasî yên Herêma Kurdistanê jî dicive. Tê payîn ku di civînê de mijara êrişên çeteyên DAIŞ’ê ya li ser Iraq û Herêma Kurdistanê, pirsgirêkên navbera Hewlêr û Bexdayê de werin guftûgokirin. Civîna navbera serokomarê Iraqê û partiyên siyasî yên Herêma Kurdistanê li bajarê Silêmaniyê tê lidarxistin. Hevseroka Tevgera Azadî ya Civaka Kurdistanê Şîlan Şakir ji RojNewsê re ragihand ku wê tevgera wan jî tevlî civîna ligel serokomarê Iraqê ya li gel partiyên siyasî bibe. Li gor agahdariyan hemû partiyên siyasî yên Herêma Kurdistanê beşdarî civîna li Şarê Ciwan bê lidarxistin bibin. Piştî bû serokomar, cara yekemîne Fûad Mehsûm wekî serokomarê Iraqê serdana Herêma Kurdistanê dike. 

ROJ NEWS/SİLÊMANÎ