Şaxê weçînayîş yê teberê welat bi taybet yê Ewropa dewam keno. Ma zî sey rojnamegerêk no weçinayîş taqîp kenî. Ma ewnenê eleqedariya şarê ma senîno. Xebatkarê HDP seyî kar kenî.
Weçinayîş de sextekarî esto ya çino. Seba nayê ez şîya mi bajarê Kolnê yê Almanya de weçinayîş taqîp kerd.
Mi zaf hayî komkerdî. AKP seba no weçinayîş verê cû Ewropa ra nameyê wezifedarê dewleta Tirkîyê waştî. Wexto ke nameyê wezifadarên dewleta tirk resayê Enqere, Hukimatê AKP tena melayê AKP seba weçinayîşê sey serokê sendiqan wezifedar kerdî.
Gore ke mişahîdên HDP hayî dayê ma, hema hema pêronê cayê weçinayîş de ayê ke serokê sendiqê weçinayîşê melayê AKP’yê.
Ez şîya ewnewa sendiqên Kolnê. 5 sendiq bibî. Serokê her 5 sendiqan zî melayê AKP bi.
Ez ewnewa rîyê her 5 melayan, rîyê înan nêmendenê rîyê melayên bi dîn û îman.
Rîyê înan ra sextakarî varanê.
Xo ra serokêk sendiqê weçinayîş yê Frankfurtê di hewî rayê xo dabi şixulnayîş, ser sucê ame girewtiş. No serokê sendiqê zî melayê AKP bi. Nameyê eyê Hasan Tufek bi. Yew melayê bîn zî waşto ke Duseldorf de zî sextakarî bikero, la verênîyê sextekarî eyê ameya girewtiş.
Melayêk bîn zî Koln de sey serokê sendiqê weçinayîş ameyo wezîfedarkerdiş. O mela zî sextekarî keno. Nameyê eyê mele zî Mustafa Yeşîyurt o. Sendiqa hîrêyîn(3.) de wezîfedar o.
AKP, melayên sextekar bes nîvînena. Pêronê xebatê weçinayîş ser camîyên tirk ramnena.
Camiyê Tirk yê Ewropa bîye bane weçinayîş yê AKP. Keye Homayê bîye keye AKP.
AKP, seba hukimranîyê xo dewam bikero, çi sextekarî estî înan kena.
AKP, seba hukimarinîyê xo dewam bikero, hêrîşê komkiştişî zî kena.
Hêrîşê Edene û Mersîn nimûneyê.
Hêrîşê Edene û Mersîn de esas hedef Selahaddîn Demîrtaş û rayedarên HDP bî.
R.T.Erdoxan, Ehmed Davudoxlî, Yalçin Akdoxan, Bekîr Bozdax û Silêman Soylu eşkerê qisey kenî , fermanê kiştişê HDP’yîyan danî.
Dima ra zî ser HDP, hêrîş virazîyenî.
Bena hêrîşkar nîşanê faşoyên MHP’yîyan, nîşanê vergan bikerenê. La ayê ke hêrîş kenî AKP’yîyê.
Eger AKP’yî nîyê, çira heta nika yew hêrîşkar nêameyo tepiştiş.
Kam nêwazano HDP, bend derbasbikero?
AKP’ya.
Kam wano, Eger HDP bend derbasbikero seba demokrasî tehlûke û xetera?
Yalçin Akdoxanê dewşîrme yê AKP’yî.
Kama vano, Ma ser re şima pelxinenî?
Silêman Soyluyê dewşîrme yê AKP’yî.
Kam vano, Dersê HDP bidenê?
R.T.Erdoxan.
Kam vano hemberê HDP û Kurdan, ma planê şer viraşto?
R.T.Erdoxonê dewşîrme.
U çaxî kam hêrîşê HDP keno?
Rastê rast AKP’ya.
Heme çi hina zelalo.
Rastiya AKP û sextekarîya melayên AKP zî hina zelalo.
Gera şarê ma zî no weçinayîş de cewabêk rind bido AKP.
Gera yew kurd rayê xo nêbido AKP.
Gera pêronê kurdan rayê xo bidenê HDP.