Herêma Zinnarî ya Mêrdînî de hema vaje her keye de bastêx, suncuxe û dimse yenî viraştene. Seke yeno zanayene ke na herême de engura ke şîreyin a û postê aye barî yo esta û na herême de bastêx, dimse û suncuxe êdî kêmî yenî viraştene.
Keyeyî engura xo arê danî û kenî mîyanê tewreyêk. Dima ra şîreyê na engûre vejenî û girênenî, kenî dimse. Cinîya bi nameyê Seyran Admişa 93 serrî dîyar kena ke ê hewl danî nê ananeyî bidomnî.
Cinîyan ra Mulkîye Admişe va ‘ma serê sibayî saete 5.00 de engure arê danî’ û wina dewam kerde: “Ma engure erzenî mîyanê tewreyan û pelçiqnenî. Ma şîreyê engure mîyanê lênan de girênenî û ma kefê ci ser ra gênî. Dima ra ma demêk verdanî û ariş erzenî mîyan û reyna girênenî. Bi no hewa şîre amade beno û no nizdîyê 4 yan zî 5 saetî dewam keno.” Pelşîn Admişe dîyar kerde ziwabîyayîşê suncuxan heta 3 rojî domîyeno.
n MA/MÊRDÎN