Roja şeme bajarê Almanya Kolnê de meş û mîtîng virazîya. Meş û mîtîng de faşîzm û qirkerdişê AKP û çeteyên DAÎŞ’ê T.C ame şermezarkerdiş. Meş û mîtîng zaf qelebalixbi.
Ez wazena derheqê meş û mîtîng de çend taybetîyan binusî.
1-Mi zereyê meş û mîtîngê de hemserokê NAV DEM’ê Yuksel Koç ra qiseykerd. Yuksel Koç vat ke, “Wexto ke ma bîryarê meş û mîtîngê girewt, tayî berpirsyaranê ma va, wextê tetîlo ê beşdarî kem bibo. Zafê berpirsyaranê ma zî bawer nêkerdenê ewqasî beşdarî bibo. Ti vînenê beşdarî senîna.”
2-Hewe ewîla ke partiyê Kurdîstanê zî hina eleqedarbî. YNK, PÎK û Goran ra zî beşdarê mîtîngê bîyê. Mîtîng de qisey xo kerd. Hîrê partî hemberê hêrîşên dewleta tirk ya ser Başurê Kurdîstanê û komkiştişê Zergelê vejîyayê. Wa çi heqê dewleta tirk dagirker çino ke Başurê Kurdîstanê bombebikero û şarê kurd bikişo.
3-Eleqeyê partîyanê Almanya zî zêde bibî.
4-Zaf partîyê Tirkîye zî beşdarbî.
5-Reyna hewe ewîla ke mi dî ke hema hema pêronê medyaya Almanya mîtîng taqîp kerdênê. Beşdaranê mîtîngî ra roportaj girewtênê.
6-Beşdarê meş û mîtîngê zî zaf bi hersbî. Pêronê şîyaranê xo de vatenê, “Qetîl Erdogan” û “Terorîst Tirkîye”
7-Meş û mîtîng de vejîya werti ke şarê kurd û dostên şarê kurd hemberê hêrîşanê AKP-T.C û çeteyên înan DAÎŞ’ê zaf hîşyarê. Eger pêşeng amede bo, şar rewî ra amede yo. Şarê Kurdê de problem çino. Şar nêvano tetîl û metîl. Wexto ke xeterî bibo, wirzeno serlingan û hersbîyayaşê xo dano dîyarkerdiş.
8-Beşdarê mîtîngê giranê ciwan û cinî bî. No zî dano dîyarkerdiş zî ameyoxê şarê kurd qayîm asano.
9-Hetanê cayê mîtîngê Heumarkê beşdarê mîtîngê zaf bi dîsîplînbî. Cayê mîtîngê de zî dîsîplîn dewamkerd. Tayî peyînê mîtîng de sistayî vejîya. Sebebe eyê zî hina bi ke, saeta şîyayîş amebi, ayê ke cayê durî ra ameyê, hêdî hedî kewtî rayîra xo.
Netîce de meş û mîtîngê Kolnê bi serkewtişê derbasbi.
Hem bi eleqeyê şarê hem zî eleqeyê medyaya Almanya rîyê qirker û qetîlker ayê AKP-T.C ame eşkerekerdiş. AKP, sey xo hemberê çeteyên DAÎŞ’ê dana nîşandayîş û la esasî de hemberê şarê kurd şer kena.
Herkes na raştîya AKP-T.C vîneno.
Hedî AKP neşkena yewî bixapîno.