Li gorî baweriya Kurdên Kizilbaş ên li Dêrsîmê di demsala zivistanê de hefteya dawî ya meha çile û hefteya ewil a sibatê 3 rojan "rojiyên Hizir" tên girtin. Rojiya hizir dest pê kir. Li gorî baweriya Kizilbaşan, bi boneya Hz. Hizir di "tengasiyê" de ma 3 rojan xwe wekî rojekê xizan, rojekê sêwî û rojekê jî dîl girtî nîşan didin û li cihên cuda şîniyê pêktînin û rojiyê digirin. Pişt rojiya 3 rojan Kizilbaş li aliyekî qurbanan serjêdikin li aliyekî li ber Çemê Munzurê çirayan hildikin û niyazan belav dikin. Kurdên Kizilbaş bi boneya Hz. Hizir li ber Çemê Munzurêye agir hildikin û niyazan belav dikin.

'Hizir ne hate dîtin ne jî bi dest hatiye girtin!'
Welatiyê bi navê Zeynel Dede, diyar kir ku ji serdema Hz. Musa heya niha kevneşopiya "Rojiya Hizir" berdevam dike û piştî 3 rojên rojiyan li navçe û gundên Dêrsîmê Cem tê girtin. Dede, anî ziman ku ew bawer dikin ku Hz. Hizir hikum li hemû cihanê kir û wiha got: "Li gorî baweriya Kizilbaşan Hizir di van 3 rojan de xwe wekî rojekê sêwî, rojekê xizan û rojekê jî dil ketî nîşanda ye. Ji ber ku li cem kesên xizan û di tengasiyê de cih girt em jî hemû salan van 3 rojan ji bo wî yad dikin. Hizir Vadîm e, Sirri-Sirrullah e, Nebî ye, Weli ye. Nureke. Ne bi çav hatiye dîtin ne jî bi dest hatiye girtin. Ji ber vê yekê Hizir û Îlyaz Xidir musayîb e. Hemû salan di 6 meha gulanê de di bin guleke sor de rudinên û sohbetê dikin. Pişt re cuda dibin û diçin. Em jî ji bo Hizir di dawiya çileyê û serê sibatê 3 rojan rojiyan digirin. Cem tên girêdan. Di Cemê de hemû kesên tên cem hev. Em îbadeta xwe dikin û qurbanan serjê dikin. Bi vê yekê em ji ciwanên xwe re muradê dixwazin û ji malên xwe re jî bereketê dixwazin."

 FERHAT ARSLAN-DÎHA/DÊRSÎM