Meşîyayîşo ke Anqara de dîya destpêkerdiş, roja xo ya 17. de dewam keno. Her ke şono meşîyayîş de hûmara beşdarvanan zêde bena û xeylê kesî beşdarê meşîyayîşî benî. Çalakvanê ke 150 kîlometre nizdîyê Stenbolî bîyî, sloganê ‘Paweyê ma bivindere Stenbol’ eştî.
Hedefê çalakvanan o yo ke 1 mîlyon û nîm kesî reyde bikewî Stenbol. Meşîyayîşê Edaletî de her hetî ra merdim û komeleyê sivîlî estî. Çalakvanî bi vejîyayîşê tîje dest bi meşîyayîşî kenî û seba roja bîne çadirê ke tede manenî wedarnenî. Meşîyayîşê Edaletî de beşdarbîyayîşê hûmara cinîyan zî bale ancena û cinîyî piştî danî yewbînan. Meşîyayîşê Edaletî de 3 reyan mola yeno dayîş û tewr peynî konê rakewtişî yenî ronayîş.
Heq, huqûq, edalet
Çalakvanî heta serê sibayî qisey kenî û kewenê munaqaşayê rojane. Roje de 20 kîlometre rayîr şonî û germê hewayî ver çalakvanî zehmetî ancenî. Destpêkerdişê meşîyayîşî ra heta ewro provokasyonî virazîyenî û çalakvanî bi çepik û sloganan heq, huqûq, edaletî cewab danî provokasyonan. Şaredarîyê CHPyî werd danê çalakvanan.
DÎHABER/SAKARYA