Kampa Bextwaştoxan ya Rustem Cudîyî (Mexmûr) merasîma vîrardişê şehîdê aşma Gulane ameye viraştiş. Temsîlkarê xeylê dezgeyanê Mexmûrî, keyeyê şehîdan û xeylê kesî beşdarê merasîme bîyî. Merasîme de Endama Meclîsê Îştare yê Mexmûrî Pervîn Şirnexe va ‘ma kesê ke aşma Gulane de bi hawayo qehremanî xover dayî û şehîd kewtî, vîr anî’ û wina domnaye: “Nêweşxaneyê Hewlêrî de netîceyê komploye de nizdîyê 80 embazê ma şehîd bîyî. Aşma Gulane aşma şehîdan a. Kesê ke aşma Gulane de şehîd kewtî mora xo dayî tarîxî ro.” Pervîn Şirnexe dewamê qiseykerdişê xo de wina va: “Şehîdî heta peynî xover dayî û canê xo feda kerdî. Ganî ma zî nê xoverdayîşî biresnî serkewtişî. Ma do xeyalanê şehîdan pê bîyarî. Ma do rayîrê şehîdan de bibî û ma do înan vîr bîyarî. Merasîme bi sloganê ‘Wa bimiro xîyanet’, ‘Bicuye Rayber Apo’, ‘Şehîd nêmirenî’ qedîyaye. ROJNEWS / MEXMÛR