Meydanan biaçarnê waranê serewedaritişî

Gerîlayê cinîyî derheqê 8ê Adare Roja Cinîyê Kedkarî yê Cîhanî de qisey kerdî û vînayîşê xo ardî ziwan. 

Gerîlayan ra Ruken Mîrxane 8ê Adare ver hîsanê xo arde ziwan û wina va: “Roja 8ê Adare de beno ke bi seyan cinîyî ameyî qetilkerdiş, labelê seba ma manaya nar oje tim xoverdayîş bîyo. Cinîyî ewro ser mîrasê têkoşînê cinîyan yê ke vera zîhnîyetê faşîstî de xover dayî ser ro, heqanê xo pawenî. Saya Têkoşînê Azadîya Cinîyan û gerîlayanê cinîyan de ewro cinîyî vera zîhnîyetê serdestî de sere nêronenî. Tam eksê ci de têkoşînêk qewetin danî. Teberê çalakî û têkoşînî de sewbîna tercîh ma cinîyan rê çin o.”

Mîrxane dewamê qiseykerdişê xo de wina va: “Ganî heme cinîyî seba cinîyê ke hetê dewlete ra yenî qetilkerdiş biherikî rasteyan. Ganî cinîyî heyfê Ekîn Vane û ciwanê ke cêrzemînan de ameyî qetilkerdiş bigirî. Sere de cinîyê amedij, şirnexij, cizîrij û geverijî û heme cinîyî bivejyî rasteyan û têkoşînê xo bidomnî. Ez sere de 8ê Adara cinîyê kedkar û şorişgeran pîroz kena. Wa bicuyo 8ê Adare û Rayber Apo.”

Gerîla Nalîn Piling Goyîye zî qiseykerdişê xo de 8ê Adara gerîlayan û heme cinîyan pîroz kerde û wina va: “Wexto ke 8ê Adare yeno vatiş, helbet cinîyê qehremanî ke cuya xo feda kerdî, yenî vîra merdimî. 8ê Adare eynî wextî de gamê sifteyîn yê ke vera zîhnîyetê camêrdî de ameyî eştiş î. Cok ra 8ê Adare seba ma zaf muhîm o. Têkoşîn û rêxistinîya cinîyan de rolê Rayber Apoyî zaf o. Êdî cinîyî hîna zaf seba heqanê xo têkoşîn danî.

Goyîye dewamê qiseykerdişê xo de wina va: “Dewlete cinîyan ra tersena. Cok ra heme plananê xo cinî û ciwanan ser ro virazena. Cok ra ez veng dana heme cinîyan û bitaybetî cinîyê Botanî; ewro roja weriştişê ser lingan û vatişê bivindere yo. Ganî cinîyî 8ê Adare bi açarnê rasteyanê serewedaritişî û wa vajî nê. Roje roja çalakî û serewedaritişî yo. Wa 8ê Adare Raybêr Apo û heme cinîyan rê pîroz bo.”