Eşkerakerdiş de vajîya ke, Abdullah Ocalan hedefê Erdogan û lejkeran de yo. KCDK-E vist vîrî ke hewldayenê derbe ra dima Ocalanî ra xeber nêamê guretişî û vat: “Kes nêzûn destê kam ho tûnika kam de. No wexto kritîk de şarê Kurd semedê weşîya Rayverê xo gûman keno.
AKP kaos kerd xorîn
Eşkerakerdiş de wazîya ke Rayver Ocalan yew hel cuwaver tewr keye, pawitoxanê ci û heyetê haştî pêdîyin viraze. KCDK-E vist vîrî ke AKP hêver demê haştî qedina û polîtîkayê tecrîd vist dewre, yew serrîyo ke tecrîdekê giran dano ramitiş û 15ê Tirmeh ra nat AKP kaos kerdo xorîn. Coka şarê Kurd bi guman o. Pêynîyê eşkerakerdişî de semedê tewrbîyayîşê çalakîyan veng dîya şarê Kurd û dostanê ke hetûn wedartişê tecrîdî meydanan ca meverdî.
Serva pêdiyayin serpirodayiş
Heto bîn ra pawitox û malbatê Rayverê Şarê Kurd Abdullah Ocalanî serva pêdîyayişê Îmralî serpirodayiş kerdî.
Pawitoxê Ocalanî, waya ci Fatma û birayê ci Mehmet Ocalanî serva ke şirê Girava Îmrali û Ocalanî bivînê serpirodayişê sersawciyinê Bursa kerdbî. Sersawciyin bi behaneyê koster xirabeyo, waştena şîyayişê Îmrali red kerdbi. Ser nayî pawitox û malbatê Ocalanî vizêr serva viraştişê pêdiyayinî vina serpirodayişê sersawciyinê tirk kerdî.