10 rojîya meyîtê şehîdanê YPG-YPJ-HPG û YJA-STAR ver bere Îbrahîm Xelîl de yê.
AKP û dewleta tirk nêverdenê şarê kurd û keyeyê şehîdan meyîtê şehîdan derbasê Bakûrê Kurdîstanê bikerênê.
AKP û dewleta tirk tena berê Îbrahîm Xelîl de ne, bere Kobanê ra zî nêverdana meyîtê şehîdan derbasê Bakûrê Kurdîstanê bibênê.
La dewleta tirk her roj bi seyan çeteyên DAÎŞ’ê T.C rastê rast şirawena Rojavayê Kurdîstanê, uca ra zî çeteyên DAÎŞ’ê T.C yê brîndar bena nêweşxaneyan de derman kena.
Tîya de yew zulmê dewleta tirk yê tarîxî vejîyeno werti. Dewleta Tirk hemverê şarê kurd hina zulmêk kena ke, çi gane beno çi merde beno sey dişmenê ewnena. Dişmenîyê de sinor nêşinasnena.
Na dewlet Şêx Seîd û Seyît Riza înan şehîd kerdî, cenaze û meyîtê înan werti ra rakerdî. Nika yew gor û mezelê înan çino ke, tornê înan şîyerênê ser gore înan.
Dinya de yew dewleta hina wehş sey dewleta tirk çina. AKP û dewleta tirk vanê, ma musulmanî û musulmanîye pawenê. La çîyo ke kenî, dişmenîya dînê Îslamîya.
Emelê AKP, emelê munafiqano. Dinya de her kes seba cenaze û meyîtan hurmetî nîşandano, la AKP zulmê xo ser merdeyan zî ramnena.
AKP, derd û kulê ma zêdeyîr kena. AKP, ma dişmen vînena û dişmenîya xora zî fek verenêdana. Na yew heqîqeta.
Gere ma na heqîqeta AKP bizanê, goreyê na heqîqet hemverê AKP û dewleta tirk tekoşîn bikerê.
Hele babet yane mewzû bibo mewzûyê şehîdan uca de her çîyê vindenê.
Na derheqê de yew vate verênan esto. Vanê, "Yew milet bi wayîrvejîyayîş, rûmet û hurmetdayîşê şehîdan û merdeyan ra yena şinasnayîş."
Ma gore no vate biewnê, şarê kurd qey hîrês şehîdan hema zî gureyê xo canêardo.
Gereka heta nika qîyamet biameyênê rakerdiş. Gore nayê sistayî esta.
Çîya hina cayêk bîn de biamenê kerdiş, uca kewtê têmîyanê.
La çira pêşeng û şarê ma yê Bakûrê Kurdîstanê role xo kaynêkenê?
Dinya qey şervanê YPG-YPJ’îyan bi hurmet nêzdî bena. Başur û Rojavayê Kurdîstanê pê erjayîyayê şervanên YPG-YPJ yenê şinasnayîş.
Eger nika sere ma berzo û ma deyndarê şehîdanê.
Eger ma ewro wayîrê şehîdanê xo nêvejiyî, tarîx ma ra hesab wazeno.
Eger ma ewro wayîrê şehîdanê xo bivejîyî, tarîxê ma beno tarîxê zêrîn.
Şehîdanê ma ver bere Îbrahîm Xelîl û Kobanê de yê û uca ra ewnênê ma ra.
Vanê "berê ma biberênê ser her û erdê ma."
Gere ma zî nêvinderi û wayîrê şehîdanê xo bivejîyî.